"دة دفاع شرعي عن النفس!"
يعني إيه؟
يعني القانون بيديك الحق في إنك تدافع عن نفسك..عن حياتك ,بيتك ,عرضك ,ممتلكاتك ,أهلك ,حتى الغريب لو استغاث بيك..القانون بيديك الحق تدافع عن كل دول..
يعني أفعال"الضرب" ,"الإصابة" ,وحتى"القتل"اللي القانون الجنائي بيجرمها ,بتبقى مباحة لك في حق اللي يعتدي عليك أو على ممتلكاتك وأهلك طالما هو اللي بدأ بالعدوان ,وطالما إنك مامارستش ضده العنف إلا عشان تمنعه من الاعتداء عليك.
يعني لو بلطجي هاجمك وانت استخدمت معاه القوة والسلاح وأصبته أو قتلته يبقى انت كدة بتدافع عن نفسك ,ولو قدامك اختيارين:يا تهرب منه يا تقف له وتصيبه أو تقتله وانت اخترت تقف له ,برضه القانون في صفك لأن القانون بيحمي كرامتك ,والهروب عند ناس كتير قد يكون فيه جرح للكرامة.
ولو الاعتداء بيقع على حد غريب عنك وانت تدخلت وأصبت البلطجي أو قتلته ,برضه القانون في صفك ,لأن القانون المصري بيراعي طبيعة الشهامة المصرية والدافع الأخلاقي عند المصريين في إغاثة المستغيث.
لكن خلي بالك الدفاع عن النفس له حدود ,يعني لو مسكت البلطجي أو استسلم لك يبقى خلاص ,كفاية تكتفه وتشل حركته لكن مالكش الحق تقتله أو تعذبه..صحيح هو يستحق دة لكن طالما إننا قررنا نفتح صفحة جديدة مع وطننا ونحترم القانون يبقى نسيب القانون يتولى أمره..
طبعًا الدفاع عن النفس العبرة فيه وجوج اعتداء ,أيًا كان مكان الاعتداء ,يعني مش لازم يكون البلطجي بيتهجم عليك في بيتك..ممكن يكون بيهاجمك في شارع ,في مواصلة ,في مكان عملك..وأيًا كان غرضه:سرقة..ضرب..اغتصاب..حتى لو مجرد ترويع لأن العبرة هنا بوجود"عمل منافي للقانون"فحتى الترويع والتخويف يعتبر اعتداء عليك لأنه اعتداء على حقك الشرعي في الإحساس بالأمان.
كمان الدفاع عن النفس مش مجرد حق..دة واجب..يعني دينيًا من واجبك تدافع عن نفسك وتقف تتصدى للمعتدي عشان تبقى بتحمي الحق في مواجهة الباطل ,لأن الدين بيأمرك بالإيجابية وبالقوة ,مش بالسلبية والضعف..والرسول عليه الصلاة والسلام قال إن اللي بيموت في سبيل حماية نفسه أو ماله أو بيته أو عرضه..شهيد..
والأخلاق كذلك بتدعو للدفاع ضد العدوان ,لأن المجتمع اللي المعتدي فيه مش بيلاقي اللي يوقفه عند حده بيتحول لمجتمع غابة ,القوي فيه ياكل الضعيف..يبقى حماية حق الإنسان في الأمن والأمان والطمأنينة وممارسة الحياة الطبيعية بيتطلب إن الحق تكون له قوة في مواجهة الباطل والعدوان
عشان كدة لازم ندافع عن نفسنا..وعشان كدة لازم نعرف إزاي ندافع عن نفسنا!
Thale 2012 720p HD BlueRay Exclusive Download on AMAVS .Com IMDB Info Cast Credited cast: Morten Andresen Erlend Nervol...
0 التعليقات :
إرسال تعليق